सातारा : माझी पत्नी, मुले आणि वहिनी यांना शिवीगाळ करून धमकी देऊन घरावर दगड का मारला अशी विचारणा करण्यासाठी गेलेल्या एकाला घरातील काहीतरी लोखंडी वस्तूने डोक्यात मारून जखमी केल्याची घटना प्रतापसिंहनगरात घडली आहे. याबाबत विलास भीमराव सर्वदे (वय ४०, रा.  प्रतापसिंहनगर) यांनी फिर्याद दिली असून संतोष अशोक लंकेश्वर (रा. प्रतापसिंहनगर) यांच्या विरोधात सातारा शहर पोलीस ठाण्यामध्ये गुन्हा दाखल करण्यात आला आहे. अधिक तपास पोलीस हवालदार येवले करत असल्याची माहिती पोलिसांनी दिली आहे