सातारा  : वाढे फाटा जाणाऱ्या रस्त्यावर नारळी बाग,कूपर कॉलनी येथे पिकअप क्रमांक (एम.एच ११ डी. व्ही. ३७०१) वरील चालकाने समोरून येणाऱ्या स्प्लेंडर चालकाला जोराची धडक दिली.  यामध्ये मयूर महेश निंबाळकर(वय २९, रा.  कोंडवे आणि त्याचा चुलत भाऊ अनिकेत जखमी झाले. त्यांच्या पायाला,डोक्याला,जबड्याला, छातीस मार लागला असून गंभीर दुखापत झाली आहे. अपघातानंतर घटनास्थळावरून पिकअप चालक फरार झाला आहे. या अपघातात स्प्लेंडर गाडीचे मोठे नुकसान झाले.  घटनेची नोंद शाहूपुरी पोलीस ठाण्यात झाली असल्याची माहिती पोलिसांनी दिली असून अधिक तपास पोलीस हवालदार यादव करत आहे