सातारा : जुन्या वादाच्या कारणातून किराणा दुकानदाराला काठीने मारहाण करत दुकानातील साहित्याची तोडफोड केल्याप्रकरणी एकाविरोधात सातारा तालुका पोलिस ठाण्यात गुन्हा दाखल झाला आहे. 
याबाबत पोलिसांनी दिलेली माहिती अशी, नामदेव नानू राठोड (रा.म्हसवे ता.सातारा) असे गुन्हा दाखल झालेल्याचे नाव आहे.  याप्रकरणी रामदास रेबु राठोड (वय 55, रा. म्हसवे) यांनी सातारा तालुका पोलिस ठाण्यात तक्रार दिली आहे. दुकानातील साहित्याची तोडफोड झाल्याने 1000 रुपयांचे नुकसान झाले असल्याचे तक्रारीत म्हटले आहे.