सातारा : श्री आनंद नटराजा व श्री शिवकामसुंदरी या देवतांच्या कृपेने, तसेच श्री कांचीकामकोटीपीठाचे शंकराचार्य परमपूज्य श्री चंद्रशेखरेंद्र सरस्वती महास्वामीतसेच श्री कांची कामकोटीपीठाचे शंकराचार्य परमपूज्य श्री जयेंद्र सरस्वती व श्री कांचीकामकोटीपीठाचे शंकराचार्य पीठाधिपती परमपूज्य श्री शंकर विजयेंद्र सरस्वती यांचा पूर्णानुग्रह आणि शुभाशिर्वादाने श्री उत्तर चिदंबरम् नटराज मंदिरात 'महाशिवरात्री' निमित्त 'रुद्र व संगीत आणि नृत्यांजली सेवा संपन्न होणार आहे.
श्री उत्तर चिदंबरम नटराज मंदिरातील यावर्षीचा महाशिवरात्री संगीत व नृत्य महोत्सव सोमवार दि. 17 फेब्रुवारीपासून प्रारंभ होत आहे. संगीत व नृत्य कार्यक्रम सेवा अंतर्गत संगीत आणि नृत्यांजली सेवा'श्री श्री चंद्रशेखरेंद्र सरस्वती कला मंदिर, येथे सायंकाळी सहा वाजता विविध मान्यवर पाहुण्यांच्या उपस्थितीत दीप प्रज्वलन आणि ब्रह्मवृंदांच्या कडून वेद मंत्राचे पठण झाल्यावर या महोत्सवाला प्रारंभ होणार आहे.
येत्या महाशिवरात्रि पर्यंत म्हणजेच दि. 22 फेब्रुवारी पर्यंत या महोत्सवात संगीत ,नृत्य तसेच धार्मिक उपक्रम संपन्न होणार आहेत. या कार्यक्रमाचा उद्घाटन सोहळा संपन्न झाल्यावर सातारा येथील स्थानिक कलाकार व सुप्रसिद्ध नृत्यांगना मानसी सदामते यांच्या कथक नृत्याचा बहारदार कार्यक्रम संपन्न होणार आहे.
दि. 18 फेब्रुवारी रोजी सायंकाळी सहा वाजता मुंबई येथील गुरु दीपा आणि त्यांच्या सहकालाकारांचे भरतनाट्यम सादर होणार आहे. बुधवारदि.19/02/2025 ,सायं. 6.00 ते 8.00'भरतनाट्यम् नृत्यसेवा' गुरु वैशाली पारसनीस यांच्या नृत्यांजली नृत्य संस्था सातारा.चे शिष्य कलाकार भरतनाट्यम सादर करणार आहेत. गुरुवार दि.20/02/2025 सायं. 6.00 ते 8.00 भरतनाट्यम् नृत्यसेवा'- गुरु सौ. अनुराधा मीनाक्षी व ग्रुप, मुंबई. चे कलाकार भरतनाट्यम सादर करणार आहे.दि.21/02/2025 सायं. 6.00 ते 8.00 शुक्रवार 'कथ्थक नृत्यसेवा' गुरु सौ. नंदिता कुलकर्णी व ग्रुप, सातारा.यांची नृत्यसेवा सादर होणार आहे.शनिवार दि.22/02/2025 सायं. 6.00 ते 08.00 भरतनाट्यम् नृत्यसेवा' गुरु सौ. स्वरदा अनावकर व ग्रुप, पुणे. यांची नृत्यसेवा सादर होणार आहे.रविवारदि.23/02/2025 सायं. 6.00 ते 8.00 भरतनाट्यम् नृत्यसेवा' गुरु सी. ऋचा आगाशे व ग्रुप यांची नृत्य सेवा सादर होणार आहे.सोमवारदि.24/02/2025 सायं. 6.00 ते 8.00 ' भरतनाट्यम् नृत्यसेवा' गुरु कु. ऋचिरा इंगळे व रुचिन्यास नृत्याभिनय कलागृह, सातारा. यांची नृत्यसेवा सादर होणार आहे. मंगळवार दि. 25 फेब्रुवारी रोजी 6.00 ते 8.00 'गिटार वादन सेवा- गुरु श्री. प्रतीक सदामते ब्लूनोट ग्रुप, सातारा सादर करणार आहेत.बुधवार दि.26/02/26.00 ते 8.00 सकाळी 12.00 ते 1.00 'गायन सेवा कु. वेदांगीनी संदिप कुलकर्णी (राम), पुणे,सायं. 6.00 ते 8.00 'भरतनाट्यम् सेवा' गुरु सौ. आंचल घोरपडे आपली नृत्य सेवा सादर करणार आहे,सायं. 8.00 ते 10.00 नटराज नृत्य कलाशाला ग्रुप, साताराचे कलाकार आपली नृत्य सेवा सादर करणार आहे, अशी माहिती नटराज मंदिर महाशिवरात्री महोत्सव समितीच्या संयोजक समितीकडून देण्यात आली.
या सर्व कार्यक्रमांना प्रवेश विनामूल्य असून नटराज मंदिराच्या वतीने या कार्यक्रमाला मोठ्या संख्येने उपस्थित रहावे असे आवाहन नटराज मंदिर ट्रस्टच्या वतीने करण्यात आले आहे. मंगळवार दि. 26/02/2025 या दिवशी महाशिवरात्री निमित्त सकाळी 6.00 ते 1.00 व दु. 3.00 ते रात्री 12.00 पर्यंत भविकांना दर्शनासाठी मंदिर खुले ठेवण्यात येणार आहे. सर्व भाविकांनी दर्शनाचा लाभ घ्यावा.बुधवार दि. २६/०२/२०२५ रा. १० ते गुरुवार दि. २७/०२/२०२५ सकाळी ५ पर्यंत महाशिवरात्री जागरण कार्यक्रम, श्री नटराजा मंदिर ट्रस्ट, श्री नटराजा महिला मंडळ, योगदा सत्संग यांच्या सौजन्याने होणार आहे.
लोक कल्याणकारक अनुष्ठानाचा खर्च जनता जनार्दनांच्या सहभागातून व अर्थिक योगदानातून केला जातो. मंदिराच्या सर्वच कार्यक्रमास आपले मौलिक सहकार्य आम्हास लाभते. तरी महाशिवरात्री महोत्सवानिमित्त संपन्न होणाऱ्या अनुष्ठानास आपण तन-मन-धनाने सहभागी व्हावे असे आवाहन नटराज मंदिराचे व्यवस्थापकीय विश्वस्त रमेश शानभाग यांनी केले आहे.
