सातारा : सातारा ते मेढा या रस्त्यावर चुकीच्या पध्दतीने कार (एमएच 12 एलडी 5243) चालवून एकाने दुचाकीला (एमएच 11 सीए 4204) धडक दिली. ही घटना दि. 3 रोजी घडली. यात तानाजी शामराम आटोळे (वय 55, रा. गोगावलेवाडी) व त्यांच्या पत्नी अर्चना तानाजी आटोळे (वय 46) हे दोघे जखमी झाले.
याबाबत पोलिसांनी दिलेली माहिती अशी, सातारा तालुका पोलीस ठाण्यात विष्णू शामराव आटोळे (वय 60, रा. गोगावलेवाडी, पो. मोरावळे, ता. सातारा) यांनी फिर्याद दिली असून, सुरेश नथू भिंताडे (वय 57, रा. औंध, पुणे, सध्या रा. वाई) यांच्यावर गुन्हा दाखल झाला आहे. पोलीस हवालदार वायदंडे तपास करत आहेत.