सातारा : संविधानाचे निर्माते भारतरत्न डॉ. बाबासाहेब आंबेडकर यांनी देशाला समतेची शिकवण दिली आहे. आज त्यांच्या जयंती सोहळ्याला सर्व जातीधर्मातील लोक एकत्र येऊन त्यांना अभिवादन करतात. त्यांचे कार्य खूप मोठे आहे. जगातील अनेक देशांचे तुकडे झाले पण आपला भारत देश अखंडित राहिला तो डॉ. आंबेडकरांमुळे! डॉ. बाबासाहेब आंबेडकरांमुळेच देशाची अखंडता अबाधित राहिली आहे, असे मत राज्याचे सार्वजनिक बांधकाम मंत्री श्रीमंत छ. शिवेंद्रसिंहराजे भोसले यांनी व्यक्त केले.

डॉ. बाबासाहेब आंबेडकर यांच्या जयंतीनिमित्त ना. शिवेंद्रसिंहराजे भोसले यांनी शाहू चौक, सातारा येथील डॉ. आंबेडकर यांच्या पुतळ्यास पुष्पहार अर्पण करून अभिवादन केले. याप्रसंगी ते बोलत होते. यावेळी विविध संघटनांचे पदाधिकारी, कार्यकर्ते आणि नागरिक मोठ्या संख्येने उपस्थित होते.