सातारा : अपघातास कारणीभूत ठरल्या प्रकरणी कार चालकाविरोधात शिरवळ पोलीस ठाण्यात गुन्हा नोंदविण्यात आला आहे.

याबाबत पोलिसांनी दिलेली माहिती अशी, दि. 25 रोजी गणेश दिलीप भोईटे रा. शिरवळ, ता. खंडाळा, जि. सातारा हे त्यांची इलेक्ट्रिक स्कूटर क्र. एमएच 11 डीके 8383 घेऊन लोणंद ते शिरवळ रस्त्याने जात असताना पाठीमागून भरधाव वेगात आलेल्या पांढऱ्या रंगाच्या कारने त्यांच्या स्कूटरला तसेच रस्त्याच्या डाव्या बाजूने पायी चालणाऱ्या एका महिलेस धडक दिली. यानंतर कार ट्रक ट्रेलर क्र. टीएन 52 एसी 5607 ला पाठीमागून धडकली. या अपघातात गंगामा बसवराज कितनुर रा. शिरवळ, ता. खंडाळा, जि. सातारा या महिलेचा मृत्यू झाला असून गणेश भोईटे हे जखमी झाले आहेत. या अपघाताबाबत कार क्र. एमएच 12 टीएच 0337 चा चालक प्रदीप प्रकाश ग्रामोपाध्याय रा. कोथरूड, पुणे यांच्या विरोधात शिरवळ पोलीस ठाण्यात गुन्हा दाखल करण्यात आला आहे. अधिक तपास पोलीस हवालदार दत्तात्रय धायगुडे करीत आहेत.