अहिरे कॉलनी येथे केबल व्यवसायिकाला मारहाण

by Team Satara Today | published on : 02 October 2024


सातारा : जाब विचारल्याप्रकरणी अहिरे कॉलनी देगाव रोड संभाजीनगर येथील अश्विन गायकवाड वय 43 या केबल व्यवसायिकाला लाथाबुक्क्यांनी मारहाण करण्यात आली. तुषार जाधव राहणार सृष्टी अपार्टमेंट संभाजीनगर व त्याच्या पाच सहा साथीदारांनी मारहाण केल्याने त्यांच्यावर सातारा शहर पोलीस ठाण्यात गुन्हा नोंद करण्यात आला आहे.

याबाबत पोलिसांनी दिलेल्या माहितीनुसार, दिनांक एक ऑक्टोबर सायंकाळी सव्वा सहा वाजता अश्विन गायकवाड यांनी ब्रिझा कारची काच का फोडली, असा जाब विचारल्याच्या रागातून तुषार जाधव आणि त्याच्या पाच सहा मित्रांनी त्यांना शिवीगाळ करून लाथाबुक्क्यांनी मारहाण केली. पोलीस हवालदार यादव एस. के. अधिक तपास करत आहेत.



लोकल ते ग्लोबल बातम्यांसाठी 'सातारा टुडे' चे मोबाईल ॲप डाऊनलोड करा
मागील बातमी
लग्नाच्या आमिषाने अल्पवयीन मुलीवर अत्याचार
पुढील बातमी
हायकोर्टाने ताशेरे ओढताच २४ तासांतच अटक

संबंधित बातम्या