सातारा : केंद्र शासनाच्या महिला व बाल विकास विभागामार्फत प्रधानमंत्री राष्ट्रीय बाल पुरस्कार देण्यात येतो. या पुरस्कारासाठी www.awards.gov.in या संकेतस्थळावर 15 सप्टेंबर 2024 पर्यंत ऑनलाईन अर्ज करावेत, असे आवाहन जिल्हा महिला व बाल विकास अधिकारी विजय तावरे यांनी केले आहे.

वय 5 पेक्षा अधिक व 18 वर्षापर्यंतच्या   मुलांनी शिक्षण, कला, सांस्कृतिक कार्य, खेळ, नाविन्यपूर्ण शोध, सामाजिक कार्य व शौर्य अशा क्षेत्रात विशेष नैपुण्यपूर्ण कामगिरी केली आहे त्यांना बाल पुरस्कार देण्यात येतो.  या पुरस्कारासाठी स्वत: मुले किंवा त्यांच्यावतीने राज्य सरकार, केंद्रशासित प्रदेश, जिल्हाधिकारी, पंचायत राज्य संस्था, नागरी स्वराज्य संस्था, शैक्षणिक संस्था अर्ज करु शकतात, असेही तावरे यांनी कळविले आहे.