सातारा : चिंचणी, ता. सातारा येथे अज्ञात चोरट्यांनी घरफोडी करुन सुमारे 2 लाख 20 हजारांचा लंपास केल्याची नोंद सातारा तालुका पोलीस ठाण्यात करण्यात आली आहे.
याबाबत पोलिसांनी दिलेली माहिती अशी, चिंचणी (ता. सातारा) येथे घराचे कुलूप काढून चोरट्याने सुमारे 2 लाख 20 हजार रुपयांचे सोन्याचे दागिने चोरले. विमल ज्ञानेश्वर सावंत यांनी सातारा तालुका पोलीस ठाण्यात फिर्याद दिली आहे. चोरट्याने 50 हजार रुपये किमतीचे कानातील टॉप आणि 1 लाख 70 हजार रुपयांचे गंठण लंपास केले. महिला कर्मचारी कुंभार तपास करीत आहेत.