सातारा : युनेस्कोद्वारा जागतिक वारसा स्थळ 2024 यादीत नामांकन पुर्व तयारीच्या अनुषंगाने किल्ले प्रतापगड या ठिकाणी स्वच्छता ही सेवा उपक्रमांतर्गत महास्वच्छता अभियानाचा शुभारंभ जिल्हा परिषदेच्या मुख्य कार्यकारी अधिकारी याशिनी नागराजन यांच्या हस्ते करण्यात आला. 
यावेळी ग्रामस्थ, कर्मचारी, शालेय विद्यार्थी़, युवक मंडळे, हिलदरी संस्था गाईड संघटना व हॉटेल संघटना, संयुक्त वन व्यवस्थापन समिती व ग्रामपंचायत कुंभरोशी यांच्या वतीने किल्ल्याचा सर्व परिसर स्वच्छ करण्यात आला. यावेळी केलेल्या श्रमदानातुन पाच कि.मी.चा तटबंदी लगतचा मार्ग स्वच्छ करण्यात आला. या स्वच्छतेमुळे पर्यटकांना सर्व किल्ला पाहता येणार आहे. 
किल्ल्यावरील ग्रामस्थांशी संवाद साधताना मुकाअ याशनी नागराजन म्हणाल्या, किल्ले प्रतापगडाची जागतिक वारसा स्थळा मध्ये मानांकन मिळणे ही सातारा जिल्ह्याच्या दृष्टिने अभिमानाची गोष्ट आहे. किल्ल्यांच्या स्वच्छतेत सातत्य ठेवणे आवश्यक आहे. जागतिक वारसास्थळामध्ये या किल्ल्याचा सामावेश होण्याच्या दृष्टिने गावातील व परिसरातील सर्व नागरिकांनी येणा-र्‍या युनेस्कोच्या समितीशी माहितीपुर्ण संवाद साधावा. हा किल्ला आपल्या इतिहासाचा वैभवशाली वारसा आहे. त्यामुळे सर्वांनीच त्याचे सौंदर्य व ऐतिहासिकतेला बाधा येणार नाही, याची दक्षता घेणे आवश्यक आहे. यावेळी याशनी नागराजन यांनी किल्ल्यावरील बुरुज, तटबंदी व शिवकालीन पाण्याच्या तळ्याची पाहणी केली.
स्वच्छता ही सेवा अभियानांतर्गत एक दिवस स्वच्छतेसाठी या उपक्रमाचा जिल्हास्तरीय शुभारंभ किल्ले प्रतापगड येथे मुख्य कार्यकारी अधिकारी याशनी नागराजन यांच्या उपस्थितीत पार पडला. यावेळी पाणी व स्वच्छतेचे उपमुख्य कार्यकारी अधिकारी क्रांती बोराटे, गटविकास अधिकारी अरुण मरबळ, सहाय्यक गटविकास अधिकारी महादेव कांबळे, कुंभरोशी सरपंच कांचन सावंत, गटशिक्षणाधिकारी आनंद पळसे, बांधकाम उपअभियंता संजय जाधव, पाणीपुरवठा उपाभियंता संजय भोसले, पशुधन अधिकारी कविता खोसे, तालुका तालुका वैद्यकीय अधिकारी डॉ. प्रज्ञुम्न बुलाख उपस्थित होते.
यावेळी गाईड सामाजिक संघ, वन व्यवस्थापन समिती, किल्ले प्रतापगड सर्व ग्रामस्थ, जय भवानी जय भवानी महिला बचत गट, किल्ले प्रतापगड पारसोंड व शिरवली केंद्रातील सर्व शाळा, महाबळेश्वर तालुक्यातील सर्व शाळा, तसेच छत्रपती हायस्कूल एज्युकेशन शिरवली या सर्व ग्रामस्थांनी श्रमदानाच्या माध्यमातून तटबंदीचा रस्ता श्रमदानातून स्वच्छ करून खुला करण्यात आला. श्रमदानातुन झालेल्या या कामामुळे पर्यटकांना ज्याठिकाणी बुरज पाहणी करता जाता येत नव्हते त्याठिकाणी जाता येणार आहे. 
स्वच्छता ही सेवा या मोहिमे अंतर्गत करण्यात आलेल्या या श्रमदानामुळे विद्यार्थी व नागरीक यांच्यामध्ये वैयक्तिक व सांर्वजनिक स्वच्छतेच्या जाणिवा जागृत करण्यास मदत होणार आहे. यावेळी शिक्षण विभागाच्या वतीने वक्तृत्व स्पर्धा, चित्रकला स्पर्धा, निबंध स्पर्धा घेण्यात आल्या. तसेच हिलदरी संस्थेच्या वतीने ओला व सुका कचरा वर्गीकरणाचे प्रात्यक्षिक बचतगटांच्या महिलांना व ग्रामस्थांना करुन दाखवण्यात आले. 
यावेळी कुंभरोशी सरपंच कांचन सावंत, उपसरपंच ज्योती जंगम, विलास मोरे, वन समिती अध्यक्ष चंद्रकांत उत्तेकर, शिवकालीन खेडे अध्यक्ष आनंद उतेकर, अध्यक्ष गाईड सामाजिक संस्था ग्रापं सदस्य अमोल जंगम, पोलिस पाटील सतिश जंगम, ग्रामस्थ, महादेव कासुर्डे, विलास जाधव, कादर सय्यद, धनंजय जंगम, दुर्ग संघटनेचे पदाधिकारी हिलदारी संस्थेचे कर्मचारी राम भोसले, अश्विनी राऊत, प्रतिमा बोडरे, खाकसर अलि पटेल, गौरी चव्हाण, अनुराग खरे, अभिषेक खरे, स्वाती सपकाळ, स्वच्छता विभागाचे जिल्हा तज्ञ धनाजी पाटील व अजय राऊत, विस्तार अधिकारी सुनिल पार्टे, आप्पा जाधव, सुनिल चिकणे, बि.आर.सि.विशाल घाडगे, ग्रामसेवक माणिक माळव, सर्व किल्ले प्रतापगड ग्रामस्थ, सर्व ग्रामसेवक, सर्व शिक्षक, आरोग्य सेवक, सि.आर.पी. आशा सेविका, आंगणवाडी सेविका उपस्थित होते.
यावेळी मॅप्रो कंपनीने स्वच्छतेचे साहित्य, ग्लोव्हज व सकाळचा अल्पोपहार विद्यार्थ्यांना दिला, तर हॉटेल सह्याद्रि यांनी विद्यार्थ्यांच्या दुपारच्या जेवणाची सोय केली होती.