सातारा :  नेले (ता. जि. सातारा) येथील शेतातील डीपीची ६० किलो वजनाची सुमारे २१ हजार रुपयांची तांब्याची तार अज्ञाताने चोरुन नेल्याप्रकरणी सातारा तालुका पोलिसांत अज्ञाताविरुध्द गुन्हा दाखल झाला आहे. वीज वितरण कंपनीचे अधिकारी अमोल घुले (रा, सातारा) यांनी याबाबतची तक्रार पोलिसांत दिली आहे. नेले येथील प्रकाश गायकवाड यांच्या शेताजवळील डीपीत हा चोरीचा प्रकार शुक्रवारी प्रकार घडला असून शनिवारी सकाळी हा प्रकार उघडकीस आला. सातारा पोलिस या घटनेचा अधिक तपास करीत आहेत.