सातारा : शहरातील गुरुवार बाग परिसरातून घरासमोर उभी केलेली स्प्लेंडर प्लस मोटारसायकल अज्ञात चोरट्याने चोरी करून नेल्याची घटना घडली आहे. याप्रकरणी सातारा शहर पोलिस ठाण्यात अज्ञात व्यक्तीविरोधात वाहन चोरीचा गुन्हा दाखल करण्यात आला आहे.

पोलिसांनी दिलेल्या माहितीनुसार, शहानु शेटोबा पिटेकर (वय ३७, रा. नामदेववाडी, ता. जि. सातारा, सध्या रा. गुरुवार बागेजवळ, सातारा) यांनी याबाबत फिर्याद दिली आहे. त्यांच्या मालकीची एमएच-११-डीसी-८२२८ क्रमांकाची हिरो होंडा स्प्लेंडर प्लस मोटारसायकल घरासमोरील रस्त्यावर उभी करण्यात आली होती.

काळ्या रंगाची तसेच लाल-जांभळ्या पट्ट्या असलेली ही मोटारसायकल अंदाजे ५० हजार रुपये किमतीची असून अज्ञात चोरट्याने ती चोरी करून नेल्याचे फिर्यादीत नमूद करण्यात आले आहे. ही घटना दिनांक ७ रोजी रात्री साडेअकरानंतर घडली.

या प्रकरणी सातारा शहर पोलिस ठाण्यात गुन्हा दाखल करण्यात आला असून पुढील तपास पोलीस हवालदार खाडे करीत आहेत.