मुंबई  : भारताची स्टार बॅडमिंटन खेळाडू सायना नेहवाल अर्थरायटिसच्या आजाराने त्रस्त आहे. 34 वर्षांच्या सायना नेहवालने सोमवारी आजाराबाबत खुलासा केला. या आजारामुळे सायना या वर्षी सेवानिवृत्ती घेत असल्याचं सागंतिलं. या आजारपणामुळे तासन् तास करावी लागणारी ट्रेनिंग आता कठीण होत असल्याचं सायनाने सांगितलं. 

अर्थरायटिस म्हणजे काय? 
शरीरात युरिक ऍसिड वाढल्याने सांधेदुखीची समस्या उद्भवते. युरिक ऍसिड हे रक्तामध्ये आढळणारे रसायन आहे. प्युरीनयुक्त पदार्थांच्या पचन प्रक्रियेदरम्यान शरीरात प्युरीनचे प्रमाण एका ठराविक प्रमाणापेक्षा जास्त होते आणि किडनी ते योग्य प्रकारे फिल्टर करू शकत नाहीत तेव्हा ते तयार होते. अशा स्थितीत शरीरात यूरिक ॲसिड वाढू लागते. वाढलेले यूरिक ऍसिड क्रिस्टल्सच्या स्वरूपात सांधे आणि आसपासच्या ऊतींमध्ये जमा होते. त्यामुळे सांध्यांच्या समस्या सुरू होतात. याशिवाय अनुवांशिक कारणांमुळेही ही समस्या उद्भवू शकते. सांधे दुखापत, असामान्य चयापचय, लाइम रोग यांसारख्या समस्या ही समस्या निर्माण करतात.

अर्थरायटिसची लक्षणे :
अर्थरायटिसमध्ये सांधेदुखी आणि सांध्यांना सूज येणे यासारखी समस्या जाणवते. तसेच त्या भागाची त्वचा लाल होते. एवढंच नव्हे तर तो भाग अनेकदा जास्त गरम जाणवतो. स्नायूंची हालचाल करायला त्रास जाणवतो, हे अर्थरायटिसमधील सामान्य लक्षण आहे. या समस्येवर वेळीच उपाय केला नाही तर ही समस्या अतिशय गंभीर होऊ शकते. 

योगामुळे सांधेदुखीचा धोका होतो कमी :
संधिवाताच्या आजारात सांधे खूप दुखतात. संधिवाताचा हृदय, फुफ्फुस आणि त्वचेवरही परिणाम होऊ शकतो. वेळेवर उपचार न केल्यास हा आजार संपूर्ण शरीरात पसरतो. अशा परिस्थितीत रुग्णाची प्रकृती बिघडू शकते. संधिवातामुळे पाय आणि शरीराच्या इतर भागांना सूज येते. तणावामुळे ही समस्या आणखी वाढते. मात्र, योगाने त्यावर नियंत्रण ठेवता येते. डॉक्टरांचे म्हणणे आहे की, एम्स नवी दिल्ली येथे केलेल्या संशोधनात असे दिसून आले आहे की योग आणि प्राणायामच्या नियमित सरावाने संधिवात होण्याचा धोका कमी केला जाऊ शकतो. 

हेल्दी वजन ठेवा :
आपल्या शरीराचा भार गुडघ्यावर येतो. जर तुमचे वजन जास्त असेल तर तुमच्या गुडघ्यांवर ताण वाढेल. वजन कमी करून किंवा निरोगी वजन राखून हा ताण कमी केला जाऊ शकतो. यासाठी आपल्या आहारात फळे आणि भाज्या वाढवा. यातील फायबरमुळे पचनक्रिया चांगली राहते. याशिवाय, प्रथिनयुक्त आहारासह अन्नाचा मुख्य भाग पूर्ण करा. यामुळे तुमचे पोट बराच काळ भरलेले राहील आणि तुम्हाला वारंवार भूक लागणार नाही. नियमित व्यायामाने वजन नियंत्रणात राहते. यामुळे सांधे लवचिक होतील आणि स्नायूही मजबूत होतील. जर मजबूत स्नायूंनी सांध्यांना आधार दिला तर त्यांच्यावर कमीत कमी ताण येईल. यामुळे संपूर्ण शरीराचे आरोग्य देखील सुधारेल.

दुखापतीपासून सांध्यांचे रक्षण करा :
सांध्यांवर जास्त ताण पडेल किंवा दुखापत होण्याचा धोका असेल असे कोणतेही काम करू नका. वजन घेऊन पायऱ्या उतरू नका. जमिनीवर बसणे टाळा, उठल्याने सांध्यांवर खूप ताण येतो. स्ट्रेंथ ट्रेनिंगसाठी वजन उचलत असल्यास, लिफ्टिंग शूज घाला आणि शारीरिक हालचालींसाठी संरक्षणात्मक गियर वापरा.