सातारा : सातारा शहर परिसरातून अज्ञात चोरट्यांनी दोन दुचाकी चोरुन नेल्याच्या फिर्यादी सातारा शहर पोलीस ठाण्यात नोंदविण्यात आल्या आहेत.

याबाबत पोलिसांनी दिलेली माहिती अशी, रविवार पेठेतून अज्ञात चोरट्याने एमएच 11 एजे 7558 या क्रमांकाची दुचाकी चोरुन नेली. ही घटना दि. 22 डिसेंबर रोजी घडली आहे. याप्रकरणी आप्पा शिवाजी जाधव (वय 45, रा. शाहूपुरी) यांनी सातारा शहर पोलीस ठाण्यात तक्रार दिली आहे.

दुसरी घटना संभाजीनगर येथे घडली आहे. अज्ञात चोरट्याने एमएच 11 सीव्ही 8750 या क्रमांकाची दुचाकी चोरी झाली. याप्रकरणी प्रितम प्रकाश माजगावकर (वय 39, रा. संभाजीनगर, सातारा) यांनी शहर पोलीस ठाण्यात तक्रार दिली आहे.