सातारा : विधानसभा निवडणूक 2024 च्या अनुषंगाने सातारा शहर पोलिसांनी कारवाईचा धडाका मारत 170 सराईत गुन्हेगारांना हद्दपार केले आहे. तसेच 668 गुन्हेगारांवर प्रतिबंधक कारवाई करण्यात आली आहे.

याबाबत पोलिसांनी दिलेली माहिती अशी, सातारा चे उपविभागीय पोलीस अधिकारी राजीव नवले यांनी विधानसभा निवडणूक 2024 ची मतदान प्रक्रिया निर्भयपणे पार पाडण्यासाठी सराईत गुन्हेगारांवर प्रतिबंधक कारवाई करण्याबाबत आदेश दिले होते. त्याचप्रमाणे सातारा शहर पोलीस ठाणे हद्दीत सातारा आणि कोरेगाव विधानसभा मतदारसंघाचा समावेश होतो आचारसंहिता लागू झाल्यापासून निवडणूक कालावधीत कायदा व सुव्यवस्थेचा प्रश्न अबाधित ठेवण्यासाठी कार्यकारी दंडाधिकारी तथा तहसीलदार सातारा तालुका यांनी सातारा शहर पोलीस ठाणे हद्दीतील 170 सराईत गुन्हेगारांना 17 ते 24 नोव्हेंबर दरम्यान सातारा जिल्हा व परिसर हद्दीतून हद्दपार करण्याचे आदेश दिले आहेत. संबंधितांना मतदान करण्यासाठी दि. 20 रोजी सकाळी 10 ते दुपारी 3 वाजेपर्यंत मतदान केंद्रांवर जाऊन मतदान करण्यासाठी प्रतिबंधित क्षेत्रात प्रवेश करण्यास मुभा देण्यात आली आहे.

याचप्रमाणे 668 सराईत गुन्हेगारांवर शांतता राखण्याबाबत प्रतिबंधक कारवाई करण्यात आली आहे.