सातारा : एकाकडील मोबाईल व रोख रकमेची जबरी चोरी केल्याप्रकरणी दोनजणांवर सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, सातार्‍यातील बॉम्बे रेस्टॉरंट परिसरात जबरी चोरी केल्याप्रकरणी अविनाश राजाराम भिसे (वय 30) व रोहन भोसले (दोघे, रा. प्रतापसिंहनगर झोपडपट्टी) यांच्यावर गुन्हा दाखल झाला आहे. याप्रकरणी रामदास रामअवतार यादव (रा.चाहूर, सातारा) यांनी तक्रार दिली आहे. ही घटना दि. 8 सप्टेबर रोजी घडली आहे. संशयित दोघांनी मोबाईल व रोख 1020 रुपये जबरदस्तीने चोरुन नेले असल्याचे तक्रारीत म्हटले आहे.