सातारा : मारहाणीसह धमकी दिल्याप्रकरणी तीन जणांविरोधात सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दि. 6 रोजी सकाळी साडेदहा वाजण्याच्या सुमारास विलासपूर, सातारा येथील गृहनिर्माण सोसायटीच्या जागेत राहुल शिवाजी पाटोळे, सचिन शिवाजी पाटोळे आणि त्यांची आई सर्व रा. विलासपूर, सातारा यांनी सोसायटीच्या जागेमध्ये रस्ता अडवून बांधकाम करायचे नाही, असे म्हणत कॉन्ट्रॅक्टर कौस्तुभ शिंदे यांना मारहाण करून शिवाजी एकनाथ जगताप रा. विलासपूर, सातारा यांना धमकी दिल्याप्रकरणी संबंधितांविरोधात सातारा शहर पोलीस ठाण्यात गुन्हा दाखल करण्यात आला आहे. अधिक तपास महिला पोलीस नाईक बोराटे करीत आहेत.