सातारा : पेरले फाटा, काशीळ येथून 33 वर्षीय महिला कोणालाही काही न सांगता घरातून निघून गेल्याची घटना उघडकीस आली आहे. याप्रकरणी पेरले फाटा परिसरात चिंतेचे वातावरण निर्माण झाले आहे.

याबाबत पोलिसांनी दिलेल्या माहितीनुसार, 33 वर्षीय महिला दि. 27 रोजी सकाळी साडेसहा वाजण्याच्या सुमारास राहत्या घरातून कोणास काहीही न सांगता निघून गेल्या. त्या अद्यापपर्यंत घरी परतल्या नसल्याने त्यांच्या नातेवाईकांनी शोधाशोध केली; मात्र काहीही माहिती मिळाली नाही.

याप्रकरणी संबंधित महिलेच्या मैत्रिणीने बोरगाव पोलीस ठाणे येथे मिसिंगची फिर्याद दाखल केली आहे. अधिक तपास पोलीस नाईक कचरे करीत आहेत.