सातारा :  महाराष्ट्र राज्य इतर मागासवर्गीय वित्त आणि विकास महामंडळाच्या थकीत कर्ज प्रकरणात संपूर्ण थकीत कर्ज रक्कमेचा एकरक्कमी भरणा करणा-या लाभार्थीस थकीत व्याज रक्कमेत ५० टक्के सवलत देण्याबाबतची एकरक्कमी परतावा  योजना दि.३१ मार्च २०२७ पर्यत राबविण्यात येत आहे. त्यानुसार महामंडळाच्या थकबाकीदार लाभार्थीनी सदर योजनेचा फायदा घेऊन कर्जमुक्त व्हावे. अधिक माहितीसाठी महामंडळाच्या सातारा जिल्हा कार्यालयाशी (दूरध्वनी क्रमांक ०२१६२-२९५१८४) संबधितांनी संपर्क साधावा असे आवाहन महामंडळाचे जिल्हा व्यवस्थापकांनी केले आहे.