सातारा : वाढे फाटा येथील हॉटेल रिव्हर्स अँड ओशियन मधुन हाऊसकिपिंग कामगाराने गल्ल्यातील रकमेची चोरी केली आहे. याप्रकरणी तालुका पोलीस ठाण्यात गुन्हा दाखल करण्यात आला आहे. सुरज कबुले (रा. कोनवाळ गल्ली, बेळगाव कर्नाटक) असे गुन्हा दाखल झालेल्या कामगाराचे नाव आहे.

याबाबत अधिक माहिती अशी, वाढे फाटा येथील रिव्हर्स अँड ओशियन हॉटेल मधील हाउसकीपिंग चे काम करणारा कामगार सुरज कबुले यांनी कॅश काउंटर तोडून त्यामधील एकूण १ लाख ४० हजार १०० रुपयांची रक्कम चोरून पलायन केले आहे.ही चोरी दि.९ रोजी रात्री बारा ते सकाळी १०:३० च्या दरम्यान केली असल्याची फिर्याद हॉटेल मॅनेजर गणपत म्हातारू पेडणेकर (वय ३५, रा. आंबेवाडी, ता. चंदगड, जि. कोल्हापूर) यांनी दिली असून गुन्हा दाखल करण्यात आला आहे. अधिक तपास पोलीस नाईक वायदंडे करत आहे.