सातारा : जागतिक एड्स दिनानिमित्त स्व. क्रांतीसिंह नाना पाटील सर्वसाधारण रुग्णालयाच्यावतीने जनजागृती रॅलीचे आयोजन करण्यात आले होते. या रॅलीला वरिष्ठ दिवाणी न्यायाधीश तथा जिल्हा विधी सेवा प्राधिकरणाच्या सचिव निना बेदरकर यांनी हिरवा झेंडा दाखवून मार्गस्त केले.

यावेळी  अतिरिक्त शल्यचिकित्सक डॉ. राहुलदेव खाडे, जिल्हा आरोग्य अधिकारी डॉ. महेश खलिपे यांच्यासह आरोग्य विभागातील अधिकारी, कर्मचारी, महाविद्यालयातील विद्यार्थी उपस्थित होते.

वरिष्ठ दिवाणी न्यायाधीश श्रीमती बेदरकर म्हणाल्या, एचआयव्ही संसर्गित व्यक्तींचे हक्क आबाधीत राहण्यासाठी कायदा बनवला आहे. कायद्याची अंमलबजावणी योग्य प्रकारे करण्यात यावी. युवकांना एचआयव्ही संसर्गितांना सन्मानजनक वागणूक देण्याची जबाबदारी स्वीकारावी व त्यांना प्रेम आणि आपुलकीची वागणूक द्यावी, असे आवाहनही त्यांनी यावेळी केले.

यावेळी उपस्थितांना एचआयवही निर्मुलनाची शपथही देण्यात आली.