सातारा : हवामान विभागाच्या अंदाजानुसार सातारा जिल्ह्यात पुढील काही दिवसांमध्ये विजेच्या गडगडाटसह पाऊस पडण्याची शक्यता वर्तवण्यात आलेली आहे. त्यामुळे नागरिकांनी दिलेल्या सूचनांचे पालन करावे, असे आवाहन जिल्हाधिकारी  तथा अध्यक्ष जिल्हा आपत्ती व्यवस्थापन प्राधिकरण संतोष पाटील सातारा यांनी सातारा जिल्ह्यातील नागरिकांना केले आहे.

1. विजांचा गडगडाट होत असताना नागरिकांनी कोणत्याही परिस्थितीत झाडाखाली आश्रय घेऊ नये. तसेच जनावरांनाही झाडाखाली आश्रय देऊ नये.

2. इलेक्ट्रिक पोल पासून शक्यतो दूर रहावे.

3. पाण्यात असाल तर तात्काळ पाण्याच्या बाहेर पडा.

4. इलेक्ट्रॉनिक/उपकरणे बंद करा आणि प्लग बाहेर काढून ठेवा.

5. वादळी वारे वाहत असताना शक्यतो मोबाईलचा वापर टाळा.

6. अशा परिस्थितीत नागरिकांनी शक्यतो सुरक्षित ठिकाणी घरातच थांबावे.