सातारा : महावितरणच्या विद्युत यंत्रणेतील मौल्यवान तांब्याच्या साहित्यावर चोरट्यांची नजर पडली असून, शिवथर, आरळे येथील विद्युत रोहित्रातील तब्बल सुमारे 28 हजार रुपये किंमतीची तांब्याची तार अज्ञात चोरट्यांनी लंपास केली. 

दि. 26 जुलै रोजी सकाळी अकरापूर्वी शिवथर येथील डीपी फोडून तांब्याची तार काढून नेण्यात आली. महावितरणचे कर्मचारी प्रवीण महादेव टोणपे (वय 37, रा. आरफळ, ता. जि. सातारा) यांनी याबाबत सातारा तालुका पोलीस ठाण्यात फिर्याद दिली.

दुसर्‍या घटनेत, आरळे येथील डीपी मधून तांब्याची तार चोरीला गेल्याचे 16 जुलै रोजी सकाळच्या सुमारास निदर्शनास आले. याबाबत वायरमन अमित लक्ष्मण कोळी (वय 35, रा. विकासनगर, सातारा) यांनी सातारा तालुका पोलीस ठाण्यात फिर्याद दाखल केली. फिर्यादीवरून अज्ञात व्यक्तीविरुद्ध गुन्हा दाखल करण्यात आला आहे. दोन्ही गुन्ह्यांचा पुढील तपास पोलीस हवालदार बोराटे तपास करीत आहेत.