सातारा :  लिंबाचीवाडी-नांदगाव मार्गावरील सार्वजनिक रस्त्यावर पत्र्याचे शेड उभारून वाहतुकीस अडथळा निर्माण केल्याप्रकरणी तिघांविरुद्ध बोरगाव पोलीस ठाण्यात गुन्हा दाखल करण्यात आला आहे.

फिर्यादी आनंदा हनुमंत शिंदे यांच्या तक्रारीनुसार, वळसे कॅनॉल रस्त्यावर उभारण्यात आलेल्या पत्र्याच्या शेडमुळे शेतकरी व व्यावसायिकांच्या वाहतुकीत अडथळा निर्माण झाला. संबंधितांना अतिक्रमण हटविण्याची विनंती करूनही त्यांनी नकार देत दमदाटी व शिवीगाळ केल्याचा आरोप करण्यात आला आहे.

या प्रकरणी विजय दिनकर पिसाळ, शशिकांत दिनकर पिसाळ आणि अरविंद सोपान पिसाळ (सर्व रा. लिंबाचीवाडी) यांच्याविरुद्ध गुन्हा दाखल करण्यात आला असून पुढील तपास महिला पोलीस हवालदार निंबाळकर करीत आहेत.