सातारा : मल्हारपेठ परिसरात सुरू असलेल्या जुगार अड्ड्यावर सातारा शहर पोलिसांनी कारवाई करीत दोघांना ताब्यात घेतले. छाप्यात 20 हजार 500 रुपयांची रोकड तसेच जुगारासाठी वापरले जाणारे साहित्य जप्त करण्यात आले.
महादेव रजनीकांत शिंदे आणि अनुराग महादेव शिंदे (दोघे रा. मल्हार पेठ, सातारा) अशी ताब्यात घेण्यात आलेल्यांची नावे आहेत.
मल्हार पेठ परिसरात जुगार सुरू असल्याची माहिती पोलिसांना मिळाली होती. त्यानुसार पथकाने संबंधित ठिकाणी छापा टाकला. कारवाईत रोकड व अन्य साहित्य आढळून आले. दोघांविरुद्ध गुन्हा दाखल करण्यात आला असून हवालदार हसबे तपास करीत आहेत.