सातारा : तडीपारी आदेशाचा भंग केल्याप्रकरणी एकाविरोधात सातारा शहर पोलीस ठाण्यात गुन्हा दाखल करण्यात आला आहे.
याबाबत पोलिसांनी दिलेली माहिती अशी, दोन वर्षासाठी सातारा जिल्हा हद्दीतून तडीपारीचे आदेश असतानाही त्याचा भंग करुन गोडोली येथील हॉटेल लेक व्ह्यूसमोर फिरताना एक जण आढळून आला. दि. 8 रोजी सकाळी 11 च्या सुमारास हा प्रकार समोर आला. पोलीस कॉन्स्टेबल सचिन जयराम आदमाने याने सातारा शहर पोलीस ठाण्यात फिर्याद दिली असून, आकाश ऊर्फ गुंड्या ज्ञानेश्वर कापले (वय 30, रा. दत्तनगर कॉलनी, कोडोली, ता. सातारा) याच्यावर गुन्हा दाखल झाला आहे. पोलीस उपनिरीक्षक जाधव तपास करत आहेत.