सातारा : एकास कोयत्याने मारहाण केल्याप्रकरणी चार जणांविरोधात सातारा शहर पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, दि. 24 रोजी दुपारी साडेबारा वाजण्याच्या सुमारास सदर बाजार येथील एचडीएफसी बँकेच्या जवळ अखिलेश सचिन शिंदे रा. इंदापूर, जि. पुणे या युवकास कोयत्याने मारहाण केल्याप्रकरणी ऋषिकेश रायते, रवी गवारे, आदिराज काटकर, वैष्णव शिंदे या चौघां विरोधात सातारा शहर पोलीस ठाण्यात गुन्हा दाखल करण्यात आला आहे. अधिक तपास सहाय्यक पोलीस निरीक्षक कांबळे करीत आहेत.