सातारा : नवीन एमआयडीसी येथील व्हाईट हाऊस बारमधून बाहेर आल्यावर बाहेर पार्क केलेल्या चार चाकी गाडीचे बंपर कोठे आहे असे विचारल्यावर प्रसाद जाधव (रा, खोकडवाडी) व विनीत कदम (रा. चंदनगर) व त्यांच्या साथीदाराने अमर बापूसाहेब देवगुडे (वय ३०, रा. खोकडवाडी) यांच्याशी वाद घालून शिवीगाळ करत दगडाने आणि लाथा भुक्क्याने मारहाण करण्यास सुरुवात केली. यामध्ये ते गंभीर जखमी झाले. ही घटना दि १८ फेब्रुवारी रोजी सायंकाळी आठ वाजण्याच्या सुमारास घडली आहे. याबाबतची फिर्याद सातारा शहर पोलीस ठाण्यात देण्यात आली असून अधिक तपास पोलीस हवालदार खाडे करत असल्याची माहिती पोलिसांनी दिली आहे.