सातारा : सदरबझार मध्ये दुचाकीवरुन आलेल्या अज्ञात चोरट्यांनी चैन स्नॅचिंग केल्याबाबतचा गुन्हा सातारा शहर पोलीस ठाण्यात दाखल करण्यात आला आहे.
याबाबत पोलिसांनी दिलेली माहिती अशी, येथील जरंडेश्वर नाका येथील मल्हार सोसायटीत अज्ञातांनी चैनस्नॅचिंग करत 43 हजारांचे सोन्याचे मंगळसूत्र लंपास केले. हा प्रकार दि. 19 रोजी सायंकाळी साडेपाचच्या सुमारास घडला. या प्रकरणी सेवानिवृत्त शिक्षिका राजश्री विलास कांबळे (वय 62, मल्हार सोसायटी, सदरबझार, सातारा) यांनी सातारा शहर पोलीस ठाण्यात फिर्याद दिली आहे. पोलीस उपनिरीक्षक गवळी तपास करत आहेत.