सातारा : मोटार सायकलचे फीचर्स विचारून मोटरसायकलच्या मालकाकडून दुचाकी घेऊन परस्पर पळवून नेल्याप्रकरणी अज्ञातावर गुन्हा दाखल झाला आहे. याप्रकरणी ऋषिकेश शिवाजी कापरे (वय 23 रा. मरीआईचीवाडी, ता. खंडाळा) जिल्हा सातारा यांनी लोणंद पोलीस ठाण्यात फिर्याद दिली आहे. 

26 जानेवारी रोजी दुपारी दीडच्या दरम्यान लोणंद रेल्वे स्थानकाजवळ ऋषिकेश आपल्या अपाचे 160 या दुचाकीसह उभा असताना अज्ञात इसमाने तेथे येऊन फिर्यादीचा गप्पांमधून विश्वास संपादन केला.  मोटरसायकलची राईड मारून येतो असे सांगून 160cc ची मोटर सायकल परस्पर लांबवली. फिर्यादी कापरे यांनी बराच वेळ वाट पाहूनही तो पूर्ण परतल्याने त्यांनी संबंधितांच्या विरोधात तक्रार दिली आहे.