सातारा : सुमारे 54 लाखांची वीज चोरी केल्याप्रकरणी दोन जणांविरोधात सातारा तालुका पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, पानमळेवाडी, पोस्ट रामनगर, सातारा येथील आईस फॅक्टरी येथे 54 लाख 10 हजार 600 रुपयांची वीज चोरी करून वीज कंपनीचे नुकसान केल्याप्रकरणी तेथीलच आईस फॅक्टरी येथील ग्राहक सादिया हैदरअली बागवान आणि वीज वापरदार खालीद हैदरअली बागवान यांच्या विरोधात गुन्हा दाखल करण्यात आला आहे. अधिक तपास महिला पोलीस हवालदार गायकवाड करीत आहेत.