सातारा : शाळेत सोडणार्‍या खासगी बस चालकाने अल्पवयीन मुलीवर अत्याचार केला असल्याची धक्कादायक घटना समोर आली असून याप्रकरणी सातारा शहर पोलिसांनी दोघांना अटक केली आहे. नितीन राजाराम पवार (वय 28, रा.पाटखळ माथा ता.सातारा) व पुष्कर कांबळे (रा.सदरबझार, सातारा) अशी त्यांची नावे आहेत.

याबाबत अधिक माहिती अशी, नितीन पवार याची खासगी बस असून तो दररोज मुला-मुलींना शाळेत बसने सोडतो. पिडीत मुलगी अल्पवयीन आहे, हे माहित असतानाही त्याने मुलीशी ओळख वाढवली व संपर्क करु लागला. यानंतर त्याने ऑक्टोबर महिन्यात मित्र असलेल्या पुष्कर कांबळे याच्या सदरबझार येथील घरात मुलीला नेले. तेथे नितीन पवार याने मुलीवर अत्याचार केले. या सर्व घटनेने मुलगी घाबरली. तसेच संशयिताने मुलीसोबत फोटो काढले. यामुळे पिडीत मुलगी अधिकच घाबरली व तिने कोणाला याबाबतची माहिती दिली नाही.