सातारा : गोडोली परिसरात राहणार्‍या एका युवतीचा विनयभंग केल्याप्रकरणी एकावर सातारा शहर पोलीस ठाण्यात गुन्हा दाखल करण्यात आला आहे. 
सलील सतीश अंजळकर राहणार स्वराज्य नगर गोळीबार मैदान सातारा असे संबंधित असे नाव आहे
याबाबत पोलिसांनी दिलेली माहिती अशी, पीडित युवतीच्या तक्रारीमुळे हे प्रकरण समोर आले आहे. दाखल झालेल्या फिर्यादीनुसार संबंधिताने दि. 25 जुलै रोजी दुपारी तीन वाजता युवतीच्या रूमवर येऊन तिला लज्जा उत्पन्न होईल, अशा भाषेत दमदाटी केली. तसेच दिनांक 28 रोजी केंद्रे मेडिकल समोर युवती जेवायला जात असताना पांढर्‍या रंगाच्या बाईक वरून येऊन पुन्हा तू चांगल्या वर्तनाची नाही असे म्हणत अश्लील हावभाव केले. तसेच तुझी कॉलेजमध्ये बदनामी करेन, अशी धमकी दिली. पोलीस हवालदार एस. के. पोळ अधिक तपास करत आहेत.