सातारा : लोकनेते अण्णासाहेब पाटील यांच्या जयंतीनिमित्त अण्णासाहेब पाटील आर्थिक मागास विकास महामंडळ जिल्हा कार्यालयाच्या वतीने विविध मान्यवरांच्या उपस्थितीत अण्णासाहेब पाटील यांच्या प्रतिमेस पुष्पहार अर्पण करून अभिवादन करण्यात आले.
या कार्यक्रमास इतर मागास बहुजन कल्याण विभागाचे सहाय्यक संचालक सुजित बर्गे यांच्यासह एचडीएफसी बँकेचे व्यवस्थापक योगेश घोरपडे, मयूर दिघे, जनता सहकारी बँकेचे सुजय संकपाळ, जिल्हा समन्वयक मयूर घोरपडे, तुषार पाटील, स्वप्नील पाटील, निखिल चव्हाण, राहुल सुर्वे यांच्यासह विविध महामंडळांचे अधिकारी, विविध बँकांचे अधिकारी व कर्मचारी मोठ्या संख्येने उपस्थित होते.
अण्णासाहेब पाटील यांनी युवकांना रोजगाराच्या संधी उपलब्ध करून देण्यासाठी तसेच उद्योग-व्यवसायाच्या माध्यमातून तरुणांना आर्थिकदृष्ट्या सक्षम करण्यासाठी केलेले कार्य आजही प्रेरणादायी आहे. त्यांच्या कार्याचा आणि विचारांचा आदर्श घेऊन युवकांना स्वावलंबी बनविण्यासाठी विविध योजनांच्या माध्यमातून प्रयत्न सुरू ठेवण्याचा निर्धार यावेळी व्यक्त करण्यात आला.
कार्यक्रमाच्या सुरुवातीस अण्णासाहेब पाटील यांच्या प्रतिमेस पुष्पहार अर्पण करण्यात आला. उपस्थित मान्यवरांनी त्यांच्या कार्याचे स्मरण करून त्यांना अभिवादन केले. अण्णासाहेब पाटील यांच्या विचारांना आणि समाजहिताच्या कार्याला पुढे नेण्यासाठी सर्वांनी एकत्रितपणे कार्य करण्याचे आवाहन यावेळी करण्यात आले.
कार्यक्रमास उपस्थित विविध विभागांचे अधिकारी, बँक प्रतिनिधी व कर्मचारी यांनी अण्णासाहेब पाटील यांच्या स्मृतीस अभिवादन करून कार्यक्रमात सहभाग नोंदविला.