सातारा : दि.  २३ डिसेंबर रोजी सायंकाळी साडेसहा वाजण्याच्या सुमारास राजवाडा शाहूपुरी रस्त्यावर पायी चालत जाणाऱ्या नानासाहेब निवृत्ती पाटील (वय ८० रा. गेंडामाळ, शाहूपुरी, सातारा) यांना ओला कंपनीची भरधाव मोटरसायकलने धडक दिली.  यामध्ये पाटील हे गंभीररित्या जखमी झाले होते. त्यांच्यावर साताऱ्यातील खाजगी रुग्णालयात उपचार सुरू असताना त्यांचा मृत्यू झाला. वृद्धाच्या मृत्यूस कारणीभूत ठरल्याप्रकरणी इरफान उर्फ रियाज रफिक बागवान (वय ३८ रा. धर्मवीर संभाजी कॉलनी, शाहूपुरी सातारा) याच्या विरोधात शाहूपुरी पोलीस ठाण्यात गुन्हा दाखल झाला आहे.अधिक तपास पोलीस उपनिरीक्षक साबळे करत असल्याची माहिती पोलिसांनी दिली आहे.