सातारा : सातारा जिल्ह्यातील सर्व शासकीय, निमशासकीय तसेच स्थानिक स्वराज्य संस्थांच्या कार्यालयांमध्ये राष्ट्रपती आणि पंतप्रधान यांच्या अधिकृत प्रतिमा सन्मानपूर्वक लावण्यात याव्यात, अशी मागणी भाजप सातारा शहर मध्य मंडल अध्यक्ष अविनाश (राजेंद्र) विजय खर्शीकर यांनी जिल्हाधिकार्‍यांकडे निवेदनाद्वारे केली.
जिल्ह्यातील काही कार्यालयांमध्ये राष्ट्रपती व पंतप्रधान यांच्या अधिकृत प्रतिमा नसल्याचे निदर्शनास आले आहे. शासकीय कार्यालयांमध्ये राजशिष्टाचाराचे पालन होणे आवश्यक असल्याने संबंधित कार्यालयांना याबाबत स्पष्ट सूचना देऊन तातडीने कार्यवाही करावी, अशी मागणी खर्शीकर यांनी केली.
दरम्यान, भाजप पदाधिकार्‍यांनी प्रधान पोस्टमास्तर, सातारा जिल्हा कार्यालय तसेच महसूल मंडल अधिकारी कार्यालयात लावण्यासाठी राष्ट्रपती व पंतप्रधानांच्या अधिकृत प्रतिमा भेट दिल्या. यावेळी जिल्हा सरचिटणीस विकास गोसावी, वैशाली टंगसाळे, विक्रांत भोसले, प्रवीण शहाणे, महेंद्र कदम, रीना भणगे यांच्यासह पदाधिकारी उपस्थित होते.