मुंबई : गणेशोत्सवाच्या पारंपरिक श्रद्धेला आधुनिक आर्थिक नियोजनाची जोड देत प्रेफर या वित्तीय मंचाने 'विश करो, प्रेफर करो' या संकल्पनेवर आधारित ११ दिवसीय 'मूषक लोन' अभियान सुरू केले आहे.
गणेश चतुर्थीच्या काळात भाविक गणपती बाप्पाचे वाहन असलेल्या मूषक महाराजांच्या कानात आपल्या मनोकामना आणि इच्छा व्यक्त करतात, अशी पूर्वापार चालत आलेली श्रद्धा आहे. याच सांस्कृतिक परंपरेचा संदर्भ घेत प्रेफरने आपल्या अभियानाची रचना केली आहे. या उपक्रमाच्या माध्यमातून नागरिकांना त्यांच्या दीर्घकाळापासून प्रलंबित असलेल्या योजना, नव्याने सुरू करावयाचे व्यवसाय अथवा भविष्यातील आर्थिक संकल्पांविषयी खुलेपणाने संवाद साधण्यासाठी प्रवृत्त करण्यात येत आहे. विशेषतः ज्या नागरिकांना प्रत्यक्ष आर्थिक साहाय्याची आवश्यकता आहे, अशा पात्र व्यक्तींना प्रेफरच्या माध्यमातून उपलब्ध असलेल्या विविध क्रेडिट पर्यायांची माहिती व मार्गदर्शन उपलब्ध करून दिले जात आहे. मात्र, नागरिकांनी व्यक्त केलेली प्रत्येक इच्छा पूर्ण करण्यासाठी कर्ज घेणे अनिवार्य नसून, केवळ जबाबदार आर्थिक नियोजन आणि कर्जाचा सुयोग्य वापर व्हावा, हाच यामागील मूळ उद्देश असल्याचे कंपनीने स्पष्ट केले आहे.
सदर अभियान मुंबई, नवी मुंबई, ठाणे आणि हैदराबाद या प्रमुख महानगरांमध्ये राबविण्यात येत आहे. यासाठी आउट-ऑफ-होम होर्डिंग्ज, डिजिटल प्लॅटफॉर्म आणि सोशल मीडियाचा मोठ्या प्रमाणावर वापर केला जात आहे. आधुनिक संवाद साधनांचा मेळ घालत इंस्टाग्रामच्या माध्यमातून नागरिकांना मूषक महाराजांना थेट मेसेज पाठवून आपल्या भविष्यातील योजना सांगण्याचे आवाहन करण्यात आले आहे. यासोबतच गणेशोत्सवाच्या ११ दिवसांच्या कालावधीत स्थानिक पातळीवर विविध ऑन-ग्राउंड उपक्रमही आयोजित केले जात आहेत.
या अभियानाचा एक भाग म्हणून मुंबई, नवी मुंबई, ठाणे आणि हैदराबाद येथील पात्र ग्राहकांसाठी विशेष कॅशबॅक योजनेची तरतूद करण्यात आली आहे. या अंतर्गत दररोज ११ भाग्यवान ग्राहकांना प्रत्येकी १,१०० रुपयांचा कॅशबॅक देण्यात येणार आहे. अभियानाच्या कालावधीत ज्या ग्राहकांचे कर्ज अर्ज सर्व पडताळणी पूर्ण होऊन यशस्वीरीत्या वितरित होतील, अशा पात्र अर्जांमधून संगणकीय लकी ड्रॉ प्रक्रियेद्वारे या विजेत्यांची निवड केली जाणार आहे.
दरम्यान, या उपक्रमात केवळ इच्छा व्यक्त केल्याने किंवा कर्जासाठी अर्ज दाखल केल्याने कर्ज मंजुरी अथवा कॅशबॅक मिळण्याची कोणतीही हमी मिळत नाही, असा वैधानिक इशाराही देण्यात आला आहे. कर्जांचे सर्व अर्ज संबंधित वित्तसंस्था व कर्जदात्यांच्या अंतर्गत मूल्यमापन, पात्रता निकष आणि लागू असलेल्या कायदेशीर नियमांच्या अधीन राहूनच मंजूर केले जातील. या अभियानाचे सविस्तर नियम आणि अटी प्रेफरच्या अधिकृत संकेतस्थळावर नागरिकांच्या माहितीसाठी उपलब्ध करून देण्यात आल्या आहेत.