सातारा : अल्पवयीन मुलीचा विनयभंग केल्याप्रकरणी एकावर सातारा शहर पोलीस ठाण्यात पोक्सोंतर्गत गुन्हा दाखल करण्यात आला आहे.

याबाबत पोलिसांनी दिलेली माहिती अशी, सातार्‍यात अल्पवयीन मुलीची छेड काढून, पाठलाग करुन मोबाईल नंबर मागितल्याप्रकरणी ऋषीकेश मिसाळ याच्या विरुध्द सातारा शहर पोलीस ठाण्यात गुन्हा दाखल झाला आहे. ही घटना दि. 25 जानेवारी रोजी घडली आहे. याप्रकरणी मुलीचे आई युवकाला समजवण्यासाठी गेली असता त्यांनाही शिवीगाळ, दमदाटी केली. यावरुन पोलिसांनी युवकाविरुध्द विनयभंगसह पोक्सो अंतर्गत गुन्हा दाखल केला आहे.