सातारा : शाहूपुरी चौक ते आंबेदरे रोडवर अज्ञात वाहन चालकाने पायी चालणाऱ्या महिलेला धडक देऊन जखमी केले आहे. सुनंदा वामन जाधव (वय ६०,रा. आंबेदरे रोड, शाहूपुरी, सातारा) असे जखमी महिलेचे नाव आहे. अपघातात महिलेच्या पायाला, हाताला जखम झाली आहे. ही घटना दि. २४ रोजी सायंकाळी पावणेसात वाजण्याच्या सुमारास घडली आहे. महिलेच्या फिर्यादीवरून शाहूपुरी पोलिसांत अज्ञाताविरोधात फिर्याद दिली असून अधिक तपास पोलीस हवालदार मकले करत आहेत.