सातारा : युवतीचा विनयभंग तसेच तिला धमकी दिल्याप्रकरणी एकाविरोधात सातारा शहर पोलीस ठाण्यात गुन्हा नोंदविण्यात आला आहे.

याबाबत पोलिसांनी दिलेली माहिती अशी, ‘माझ्यासोबत लग्न केले नाही तर तुला व तुझ्या बापाला गोळ्या घालीन. तुझ्या बापाला केस मागे घ्यायला लाव नाहीतर त्याचे हातपाय तोडीन,’ अशी धमकी देवून युवतीचा विनयभंग केल्याप्रकरणी निखिल पवार रा. कोडोली, सातारा याच्या विरुद्ध सातारा शहर पोलीस ठाण्यात गुन्हा दाखल झाला आहे. ही घटना दि. 30 एप्रिल पासून वेळोवेळी घडली आहे. रस्त्यात अडवून वेळोवेळी धमकी देत संबंधिताने विनयभंग केला असल्याचे युवतीने तक्रारीत म्हटले आहे. अधिक तपास महिला पोलीस नाईक कदम करीत आहेत.