सातारा : मार्च महिन्यात कणसे किया शोरूम परिसरात झालेल्या अपघातात गंभीर जखमी झालेल्या एका अनोळखी व्यक्तीचा पुण्यातील ससून रुग्णालयात उपचारादरम्यान मृत्यू झाला. 

याबाबत पोलिसांनी दिलेली माहिती अशी, संबंधित व्यक्तीचे वय अंदाजे 55 वर्षे असून 16 मार्च रोजी अपघातानंतर त्यांना रुग्णालयात दाखल करण्यात आले होते. मात्र प्रकृतीत सुधारणा न झाल्याने 2 जून रोजी त्यांचा मृत्यू झाला. अद्याप त्यांची ओळख पटलेली नसून महिला पोलीस उपनिरीक्षक भालेकर पुढील तपास करत आहेत.