सातारा : घरावर दगड का टाकले, असे विचारल्याच्या कारणातून हाताने मारहाण करत जातीवाचक शिवीगाळही करण्यात आली. याप्रकरणी शाहूपुरी पोलीस ठाण्यात एकाच्या विरोधात गुन्हा नोंद झाला आहे.
पोलिसांत दिलेल्या फिर्यादीनुसार, याप्रकरणी रोहीत सुरेश भोसले (रा. रघुनाथपुरा, सातारा) यांनी तक्रार दिली आहे. तर याप्रकरणी शीतलकांत हणमंतराव धुमाळ (रा. रघुनाथपुरा, सातारा) यांच्याविरोधात गुन्हा नोंद आहे. दि. 8 ऑगस्ट रोजी ही घटना घडली. घरावर दगड का टाकले असे विचारल्याच्या कारणावरुन संशयिताने चिडून फिर्यादी रोहीत भोसले यांना जातीवाचक शिवीगाळ केली. तसेच अंगावर धावून जात हाताने जोरदार मारहाण करण्यात आली. यावेळी फिर्यादीची आई भांडणे सोडवत होती. त्यावेळी त्यांनाही शिवीगाळ करण्यात आली. यामुळे पोलिसांत तक्रार देण्यात आली. अधिक तपास उपविभागीय पोलीस अधिकारी राजीव नवले करीत आहेत.