सातारा  : प्रमुख जिल्हा व सत्र न्यायाधीश तथा अध्यक्षा श्रीमती. सुरेखा कोसमकर, जिल्हा विधी सेवा प्राधिकरण, सातारा यांचे मार्गदर्शनानुसार व महाराष्ट्र राज्य विधी सेवा प्राधिकरण उच्च न्यायालय, मुंबई यांचे आदेशान्वये जिल्हा विधी सेवा प्राधिकरण, सातारा व बालन्यायमंडळ, सातारा तसेच जिल्हा वकील संघ, सातारा यांचे संयुक्त विद्यमाने दि. 5 जून रोजी  जागतिक पर्यावरण दिनानिमित्त वृक्षारोपण कार्यक्रम साजरा करण्यात आला.  

यावेळी  प्रमुख जिल्हा व सत्र न्यायाधीश तथा, जिल्हा विधी सेवा प्राधिकरणाचे अध्यक्ष सुरेखा कोसमकर, जिल्हा न्यायाधीश-१ एस.आर. तांबोळी, , दिवाणी न्यायाधीश व. स्तर व्ही. पी. पाटील,  , ४ थे सह. दिवाणी न्यायाधीश व. स्तर, आर. आर. मावतवाल व  प्रभारी सचिव, जिल्हा विधी सेवा प्राधिकरण, सातारा तथा ६ वे सह दिवाणी न्यायाधीश व. स्तर, सातारा जी. बी. नंदागवळे तसेच   ८ वे सह दिवाणी न्यायाधीश व. स्तर, सातारा एम. एम. बावरे, प्रमुख न्यायदंडाधिकारी, बालन्यायमंडळ, सातारा व सर्व न्यायिक अधिकारी एच. वाय. कावले, तसेच   महेश कुलकर्णी, जिल्हा सरकारी वकील, सातारा, जिल्हा वकील संघाचे अध्यक्ष, विकास पाटील व सर्व विधिज्ञ, तनिष्क वकील संघाचे सदस्य, जिल्हा विधी सेवा प्राधिकरणाचे सर्व कर्मचारी या सर्वांच्या उपस्थितीत विविध प्रकारची फळझाडे लावून वृक्षारोपण, करून जागतिक पर्यावरण दिन साजरा करण्यात आला.