सातारा : गणेशोत्सवाच्या पार्श्वभूमीवर सातारा तालुक्यात कायदा व सुव्यवस्था अबाधित रहावी म्हणून तालुक्यातील १२ जणांना १६ सप्टेंबर रोजी ००:०० ते १७ सप्टेंबर २४:०० या कालावधीत सातारा तालुका क्षेत्रात प्रतिबंधित मनाईचे आदेश तहसिलदार तथा कार्यकारी दंडाधिकारी सातारा नागेश गायकवाड यांनी दिले आहेत.
सातारा तालुका हद्दीत सार्वजनिक शांततेस बाधा निर्माण करु नये तसेच कायदा व सुव्यवस्थेचा प्रश्न निर्माण होऊ नये यासाठी रेकॉर्डवरील गुन्हेगारांना दणका दिला आहे. याबाबतचा प्रस्ताव कार्यकारी दंडाधिकारी यांच्याकडे सादर करण्यात आला होता. तो मंजूर करण्यात आला आहे.
सातारा तालुका पोलिस हद्दीतून किरण भिमराज साबळे, ज्ञानेश्वर भुताळु गायकवाड (रा.साबळेवाडी), मोतीलाल काशीनाथ माने, सुरेखा नानचंद माने, सुनीता गोपीचंद माने, रुपेश नानचंद माने (सर्व रा.लिंब), अंकुश वामन भोसले (रा.नागेवाडी), लहू बाबूराव भोई (रा.तासगाव), सतिश बजरंग वाघमळे (रा.कण्हेर), सुजाता राहुल गंगावणे (रा.परळी), पांडुरंग खाशाबा माने (रा. वळसे), अर्जुन शिवलाल राठोड (रा. लक्ष्मीटेकडी, सदरबझार) यांच्यावर हद्दपारीची कारवाई करण्यात आली आहे.