सातारा : मारहाणीसह विनयभंग केल्याप्रकरणी तीन जणांविरोधात सातारा तालुका पोलीस ठाण्यात गुन्हा दाखल करण्यात आला आहे.

याबाबत पोलिसांनी दिलेली माहिती अशी, दि. 22 रोजी तक्रारदार महिला या त्यांच्या माहेरी आई-वडिलांना भेटून निघाल्या असता त्यांच्या गाडीला विजयकुमार अंकुश देवगुडे, प्रवीण अंकुश देवगुडे, अंकुश किसन देवगुडे (तिघेही रा. आंबवडे बुद्रुक, ता. सातारा) यांनी गाडी आडवी मारली. याबाबत विचारणा केली असता संबंधितांनी तक्रारदारांच्या वडील, भाऊ यांना मारहाण करून जखमी केले. तसेच त्यांच्या पतीच्या खिशातून जबरदस्तीने सातशे रुपये काढले. त्याचबरोबर तक्रारदारांशी असभ्य वर्तन केल्याचे फिर्यादीत म्हटले आहे. पुढील तपास पोलीस हवालदार कर्णे करीत आहेत.