सातारा : शासकीय कामात अडथळा आणल्याप्रकरणी सातारा शहर पोलीस ठाण्यात 15 जणांवर गुन्हा दाखल करण्यात आला आहे.
याबाबत पोलिसांनी दिलेली माहिती अशी, पुणे-बंगळुर या राष्ट्रीय महामार्गावर सातार्‍यातील सर्व्हिस रस्त्यावर हॉटेल प्रांजली समोर ट्रकच्या काचा व हेडलाईट फोडून शासकीय कामात अडथळा आणल्याप्रकरणी हिंदूत्ववादी संघटनेच्या दहा ते 15 कार्यकर्त्यांवर शहर पोलीस ठाण्यात गुन्हा दाखल झाला आहे. संतोष प्रभुणे, अजितसिंह भोसले, विक्रम विभुते, राहूल राठोड व आठ ते दहा जणांवर हा गुन्हा दाखल झाला आहे. याबाबत हवालदार गणेश यशवंत जाधव यांनी फिर्याद दिली आहे. याबाबतचा अधिक तपास हवालदार यादव करत आहेत.