महाराष्ट्रात विधानसभा निवडणुकीची आचारसंहिता सुरू झाली आहे. त्यादृष्टीने राजकीय अन्वयार्थ सांगणारे फलक जाहिरातीचे फलक तत्काळ जप्त करून ताब्यात घेण्यात यावेत, असे स्पष्ट निर्देश केंद्रीय निवडणूक आयोगाने दिले होते. यादृष्टीने सातारा पालिकेचे मुख्याधिकारी अभिजीत बापट यांनी सातारा शहरातील फ्लेक्स तातडीने हटवण्यासंदर्भात नोटीस प्रसिद्ध केली होती. मुख्याधिकारी बापट यांच्या सूचनेप्रमाणे शहर विकास विभागाच्या वतीने सातारा शहरात पोवई नाका, राजवाडा, पंताचा गोट, सेव्हन स्टार परिसर येथे फ्लेक्स जप्तीची मोहीम राबवण्यात आली.