सातारा : भारतीय बौध्द महासभा सातारा शाखा, रिपब्लिकन सेना, बौद्ध बांधव यांच्या संयुक्त विद्यमाने सातारा शहरात सोमवारी सकाळी ११ वाजता छ. शाहु महाराज चौक येथील डॉ. बाबासाहेब आंबेडकर स्मारकापासून बौद्ध जयंतीनिमित्ताने डॉ. बाबासाहेब आंबेडकर यांच्या स्मारकास अभिवादन करुन रॅली काढण्यात आली.ही रॅली पुढे कमानी हौद, देवी चौक, गोलबागेला वळसा मारुन मोती चौक, पाचशे एक पाटी, पोलीस मुख्यालय, शिवतीर्थ अशी पोहचली. शिवतीर्थ येथे छ. शिवाजी महाराजांच्या स्मारकास अभिवादन करुन या रॅलीचा समारोप करण्यात आला. या रॅलीमध्ये चंद्रकांत खंडाईत, गणेश कारंडे यांच्यासह मान्यवर उपस्थित होते.