सातारा, दि. ८ :  सातारा येथील फर्न हॉटेलसमोर दुचाकी चालकाच्या मृत्यूस कारणिभूत ठरल्याप्रकरणी ट्रक चालकावर सातारा शहर पोलिस ठाण्यात गुन्हा दाखल करण्यात आला आहे. सचिन पोपट पाटील (रा. साखराळे, ता. वाळवा, जि. सांगली) असे त्याचे नाव आहे.याबाबत सातारा शहर पोलिसांनी दिलेल्या माहितीनुसार, दि. ४ सप्टेंबरला रात्री दहाच्या सुमारास त्याच्या ट्रकने पाठीमागून दिलेल्या धडकेत धनंजय दिलीप भिसे (रा. आसले, ता. सातारा) या दुचाकीस्वाराचा मृत्यू झाला होता. याबाबत त्याचे चुलते विजय जयवंत भिसे (रा. केसरकर पेठ) यांनी फिर्याद दिली आहे. याबाबतचा अधिक तपास हवालदार पाटोळे करत आहेत.